3 oktyabr tarixində "QS 2026" qlobal reytinqinə daxil olan Azərbaycan universitetlərinin mükafatlandırılma mərasimi keçirilib. Tədbirdə Elm və Təhsil Nazirliyinin müavini Həsən Həsənli, Elm və Ali Təhsil üzrə Dövlət Agentliyinin direktoru Ülkər Səttarova, aparıcı universitetlərimizin rəhbər heyəti və QS agentliyinin regional direktoru Sergey Xristolyubov iştirak ediblər. Qeyd edək ki, bu ilin iyun ayında elan edilən "QS 2026" qlobal reytinqinə ilk dəfə olaraq Azərbaycandan 9 universitet daxil olub. Bu göstərici keçən illə müqayisədə 3 dəfə artıb. Eyni zamanda, Azərbaycandan həmin reytinqə daxil olan universitetlərin sayı digər Cənubi Qafqaz ölkələrindən bu reytinqə daxil olan universitetlərin ümumi sayından 3 dəfə çoxdur. Bu nailiyyət Azərbaycan təhsil sisteminin beynəlxalq səviyyədə tanınmasının və keyfiyyətinin artmasının göstəricisidir.